MAPA DA COSTA DA MORTE

MAPA DA COSTA DA MORTE

HISTORIA DA COSTA DA MORTE

NAUFRAXIOS

LENDAS

WEBCAM CABO FISTERRA

INDICE

  • HISTORIA
  • LENDAS- NAUFRAXIOS
  • CONCELLOS
  • ESPAZOS NATURAIS
  • MIRADORES TURISTICOS
  • RIOS
  • RUTAS
  • PRAIAS
  • FESTAS
  • GASTRONOMIA
  • ALOXAMENTOS
  • NOTICIAS

miércoles, 17 de diciembre de 2008

OS PENEDOS DE PASARELA E TRABA


O Consello da Xunta aprobou o 11 de decembro declaración como paisaxe protexida dos Penedos de Pasarela e Traba, nos concellos coruñeses de Vimianzo e Laxe, coa fin de dotar dunha figura de protección a singularidade natural, estética e o valor científico deste espazo. Esta declaración implica a realización de accións encamiñadas a rexenerar espazos naturais, reforestar certas áreas con especies autóctonas e propiciar iniciativas de posta en valor da zona dende o punto de vista da sustentabilidade.

O macizo de Pasarela e Traba está constituído por un conxunto de elevacións graníticas, nunha superficie de 212 hectáreas, entre os concellos coruñeses de Vimianzo e Laxe. A combinación e encadeamento de formas graníticas xeran un espazo singular, sendo esta característica a que leva a pór en marcha unha política de protección integral dos penedos. Esta paisaxe, ten ademais un enorme valor científico xa que permiten coñecer cal foi a evolución da zona e, consecuentemente, como se pode someter aos instrumentos de planificación ou plans de conservación.

Estas declaracións, contempladas na Lei 9/2001 de Conservación da Natureza, avanzan na aplicación da Lei de Protección da Paisaxe, aprobada este ano pola Xunta, que ten como obxectivo recoñecer xuridicamente a paisaxe e promover políticas para a súa conservación, protección, xestión e ordenación, servindo como marco de referencia para todas as lexislacións, plans e programas que poden influír dalgún xeito na modificación, alteración ou transformación das paisaxes, e, en especial, cando afecten a espazos de alto valor natural e cultural.

A protección dos Penedos de Pasarela e Traba suporá a busca do mantemento dunhas prácticas de carácter tradicional que contribúan á conservación e preservación dos valores e recursos naturais da zona. A súa xestión, a cargo da Consellería de Medio Ambiente e Desenvolvemento Sostible, terá como obxectivos a conservación e protección da paisaxe, en especial dos penedos, fomentar o coñecemento e o respecto da zona, promover a realización de programas de investigación e de educación ambiental, así como un desenvolvemento económico e turístico da zona que sexa respectuoso co medio.


Por isto, calquera entidade que promova un proxecto de obras ou infraestruturas na zona deberán presentar na avaliación de impacto ambiental, un estudo de impacto e integración paisaxística.

A Consellería de Medio Ambiente elaborará ademais un plan de acción específico para os Penedos de Pasarela e Traba, encamiñado á protección do entorno paisaxístico e a aplicación das medidas necesarias para a posta en valor e rexeneración da zona, así como o seu desenvolvemento sostible.



FONTE:CONSELLERIA DE MEDIO AMBIENTE

martes, 9 de diciembre de 2008

camiños naturais costa da morte

Medio Ambiente comeza a senda que unirá Laxe con Muros
A Costa da Morte contará cun carreiro pechado ao tráfico dun total de 160 quilómetros de percorrido

O conselleiro presentou a primeira fase das actuacións, entre Muxía e Fisterra, que arrincará en setembro
A Costa da Morte contará cunha senda forestal, afastada do asfalto, de preto de 160 quilómetros de percorrido que unirá Laxe con Muros. As obras do primeiro tramo dese camiño -que coincide en case todo o seu percorrido co Camiño de Santiago- comezarán no mes de setembro e unirán as localidades de Muxía e Fisterra.
Así o avanzou onte o conselleiro de Medio Ambiente, Manuel Vázquez, nunha presentación celebrada no Concello de Muxía e na que tamén estiveron presentes os alcaldes de Muxía (Félix Porto) e Fisterra (José Manuel Traba) e a vicealcaldesa de Cee, Amancia Trillo. Vázquez destacou que a ruta da Costa da Morte percorrerá un das paraxes máis singulares de Galicia e apuntou que o primeiro tramo, de 28,1 quilómetros, estará listo na próxima primavera.
Os detalles do proxecto ofreceunos o director xeral de Conservación dá Natureza, Xosé Benito Reza, quen define as rutas -pensadas para facer a pé, dacabalo ou en bicicleta- como «unha alternativa para coñecer a fondo a paisaxe».
A da Costa da Morte será un das catro rutas a través de sendas que se abrirán en Galicia dentro da denominada Rede de Camiños Naturais de Galicia.
A primeira fase das obras na comarca custará algo máis de 600.000 euros. As actuacións levaraas a cabo a empresa Tragsatec. O representante da compañía, Fernando Ron, explicou onte en Muxía que no desenvolvemento do proxecto aproveitaranse moitos carreiros existentes, dividíndose as actuacións en dous partes, por unha banda a reparación e mantemento do firme, limpando e ensanchando cando faga falta, consolidando rasantes e preparando cunetas e sistemas de drenaxe. Custará preto de 457.000 euros.
Doutra banda actuarase na instalación de sinalización, cartelería e mobiliario de descanso, creando un área de descanso fronte ao cruceiro de Santa María de Morquintián, en Muxía.
«Este proxecto meterá á Costa da Morte na rede nacional de Camiños Naturais», dixo o conselleiro, o que suporá a súa aparición en guías e en actos promocionais. «É posible desenvolver ou país sendo respectuoso co medio», dixo Vázquez.

martes, 2 de diciembre de 2008

PROMOCIÓN REDE NATURA

Nove concellos da Costa da Morte recibirán un total de 68.500 euros que destinarán a accións relacionadas coa promoción, a protección ou a divulgación da Rede Natura. A relación completa, así como o proxecto no que cada un investirá o diñeiro recibido, foi publicada onte no Diario Oficial de Galicia.

Os concellos beneficiarios son os de Cabana, Camariñas, Carballo, Fisterra, A Laracha, Laxe, Malpica, Muxía e Vimianzo. En todos os casos o proxecto presentado estaba valorado en 10.000 euros (salvo o de Laxe, con 6.919 euros), e a consellería concedeu entre o 78 e o 80% da subvención solicitada tamén en función dos puntos obtidos, que oscilan entre os 78 e os 80. Moi poucos concellos de Galicia superaron os 80 puntos, pero tamén son poucos os que baixan de 65.
A cantidade recibida repartirase entre a presente anualidade e a do 2009.

Cabana presentou un proxecto de formación e sensibilización ambiental, para o que a Consellería de Medio Ambiente outórgalle 8.000 euros, repartidos entre os 2.844 deste ano e os 5.156 do 2009.

Camariñas optou ás axudas para realizar unha campaña de divulgación da Rede Natura, e os 8.000 euros que recibirá repartiranse de igual modo que no municipio anterior.

En Carballo, a iniciativa aprobada é unha de promoción da Rede a través das tecnoloxías da información. Terá para iso 7.800 euros de subvención (2.772 e 5.027 en cada anualidade).
Estas cantidades son idénticas ás achegadas para Fisterra, neste caso para crear rutas de sendeirismo na área natural protexida.
Tamén haberá sendeirismo na Laracha grazas a este programa, e de novo repítense os números.

En Laxe, a axuda é de 5.397 euros. Desta cantidade, o Concello recibirá 1.918 euros este ano e 3.478, o que vén, en ambos os casos para acondicionar e sinalizar un carreiro ata o lugar de Mórdomo.

En Muxía, finalmente, dedicarán o diñeiro (8.000 euros en total) á colocación de paneis informáticos, e en Vimianzo, que reciben a mesma cantidade, empregarana no deseño e sinalización dunha ruta de camiñantes.
Fonte La Voz de Galicia

 
A COSTA DA MORTE © 2007 Template feito por Templates para Você